如果屋企有小朋友，都應該好鍾意食日本的蛋壽司或玉子燒，雖然睇落好容易整，但就算你有工具，要整其實並不容易。不過，最近日本就推出一件專門整玉子燒的小工具，而且 10 蚊店有售，只需 10 分鐘即可整到，做法亦都超級簡單，就算無飯主婦都一定識整，有朋友去日本，記得一定要買！
這個產品名為「レンジで簡単！だし巻きたまご」，在 DAISO 就可以買到，絕對不算難找。而用法亦都好簡單，產品分為兩個部分，一個是透明小箱，另一個則是黃色壓模。首先將一隻蛋打均放入透明小箱，再放入微波爐用 500W 加熱 40s ，之後取出，放入三分一雞粉及少量糖，用筷子搞勻，之後再次放入微波爐，同樣是 500W 加熱 40s 。完成之後，蛋就會變得全熟。
但取出後，你可能會問：「都唔似玉子燒？」因為仲有一個重要步驟要做，就是利用黃色壓模將透明小箱內的蛋壓實，大約壓夠一分鐘左右便完成。賣相同街賣的玉子燒都有九成九似，細路見到一定鍾意！
來源：DAISO JAPAN
