日本女星能年玲奈，因一套《海女》曾經成為風頭躉，可惜紅咗唔夠幾日，就同事務所份約傾唔掂，搞到被雪兼封殺，搞到今時今日仲死下死下咁。 能年玲奈
可能見到同劇嘅有村架純、橋本愛同福士蒼汰，已經彈起到火星咁遠，能年終於要的起心肝搞新意思，改名做「のん」（讀音：Non）再戰藝能界，不過，此舉唔係咁被當地傳媒睇好，事關《海女》已經過咗兩年咁多，同埋能年嘅戲路都有大把女星可以取替，當年最勁嘅勁敵廣瀨鈴已經升埋上神枱，能年復出能成功威脅佢嘅機會，應該去到0.000001%咁多。再講，以日本人最怕麻煩嘅保守性格，能年有工作機會都幾微。
來源：Yahoo Japan
