現時用得電腦，通常都是文書工作為主，而做得文書工作，就一定是開工中……又要留意電腦工作，又想望住手機有無特別通知，打完字又要轉手用屏幕打字，頭都暈。最近推出的藍牙鍵盤 Logitech K780 ，同一般的藍牙鍵盤最大分別，在於設有 Easy-Switch 功能，最多可連接三個裝置使用，就算在電腦回覆公司電郵，又想在手機上覆私人電郵，按個掣全部在鍵盤上輸入即可。
既然可以在不同裝置之下互換，當然配套都要好先得，否則左擰右擰都幾煩。在鍵盤前方設有一個橡膠插槽，可以將手機或平板放到上面，最大可放置 12 吋屏幕的 iPad Pro 都得。K780 預裝的兩顆 AAA 電池，壽命長達兩年，毋需幾個月就換一次電，亦都不怕在街外使用時無電。
售價：$699
查詢：Good Century 3619 6499
