有人話，戀愛中嘅女人特別靚，正好用嚟形容日本女星戶田惠梨香身上，事關自從佢公開咗同《SPEC》拍檔加瀨亮戀情後，做乜都特別精神爽利啲。日前，新版《 死亡筆記 》電影公布咗張劇照，雖然戶田套衫密實到似身處零下十度，但班宅男睇完，就狂叫全盛嘅戶田返晒嚟，話佢容光煥發度好似有光環咁。 死亡筆記 戶田惠梨香
仲有不少影迷話，單睇張劇照，戶田拎住本死神筆記個迷惘中、帶點憶起舊事嘅樣，比起10年前當Misa Misa嘅低B，演技已經達到影后級。套片真係唔睇唔得咁話喎。
《 死亡筆記 》劇照曝光 戶田惠梨香成焦點
