近排桐谷美鈴套《好きな人がいること》（有喜歡的人）嘅宣傳簡直係鋪天蓋地，一班主角、配角都不甘後人，瘋狂咁喺自己 Blog 度刷存在感。例如，桐谷美鈴瘋在到趁周末跟雜誌《 With 》飛咗轉台灣，試玩腳底按摩，仲全程拍片 Share 。 菜菜緒 Pat Pat
不過，唔係話就咁出個 Po 粉絲就必然 Like ，好似 F Cup 女星佐野雛子咁，日前就上載咗張相話自己而家只得 40KG 就畀人鬧爆，話佢減得太盡，因住個咪咪縮水連唯一嘅「優勢」都無埋。
可能見到個反效果咁嚴重，本身 Fit 爆嘅菜菜緒就反其道而行，喺 Twitter 度話最近發現自己個 Pat 大咗好多，有十條以上嘅牛仔褲都著唔落。嘩！班宅男睇完當堂有晒畫面，流住鼻血咁讚佢個 Pat 又圓又好睇，愈大就愈靚！今次羸到盡！
來源：菜菜緒Twitter
