骨傳導耳機，其實一早已經有，早幾年已經有幾個專門生產藍牙免提耳機的生產商推出過，都其實都只是輔助性質，而非全部依靠骨傳導聴聲。不過，最近有外國商，便研發將骨傳導及太陽眼鏡二合一的 Zungle ，在夏天毋需焗住耳仔，可以自由自在聽歌，或者都算唔錯。
Zungle 的外型同一般的太陽眼鏡差不多，不過設計上會比一般太陽眼鏡厚少少，重量大約為 45.58g ，都算可接受。而只需要利用 MicroUSB 插頭進行充電，眼鏡上亦有收音咪，可以進行通話，當然途人點睇你則另當別論。當然，用得骨傳導，究竟音質細何是一大疑問，會不會好似潛水一樣？去到什麼普通耳機質素？似乎都未必可以解答到。或者你會話，「唔要求音質咪得囉！」，或者我比較建議你買個內置藍牙耳機的太陽眼鏡，淘寳熱賣 100 人民幣（約 $118 ）以下就買到，毋需買這個現時最平要 109 美元（約 $850 ）的太陽眼鏡。
來源：kickstarter
