Apple Pay 好快殺到埋身，至於香港其他公司搞的電子錢包 app ，好多都仍在起步階段，為搶先機點都要出招。其中由於 PCCW 搞的「拍住賞」（Tap ＆ Go）就特別同在西九文化區進行的 wow and flutter WEEKEND 活動合作，提供網上購票，而場內都可以用「拍住賞」付款，如果之前儲埋不少錢，就可以入去平玩！
或者你唔知咩係 wow and flutter WEEKEND ，其實是由香港公司搞的大型音樂節，活動日期為今年 8 月 13 至 14 日，今年都有不少樂隊及音樂人參加，包括 LMF 、 RubberBand 、 Supper Moment 、新青年理髮廳、雞蛋蒸肉餅、小紅帽等等，陣容強大。除此之外，場地內仲有市集、藝術、飲食及親子活動，夠多元化。
而現時 wow and flutter WEEKEND 可於 6 月 29 日開始，去 7-11 及 Putyourself.in 購票，而利用「拍住賞」，就可以用優惠價 $500 ，買到兩日票，或以 $300 買單日票。
