尋日先講完， 42 歲嘅松嶋菜菜子為咗新劇搶收視，預告將會喺劇上獻出熒幕首次床戲，點知，今日又有女星出招。日本玉女武井咲嚟緊套新劇《 せいせいするほど、愛してる 》（台繹：毫不保留我愛你），將會孖瀧澤秀明搞不倫戀。雖則話自《晝顏》後，不倫戀成為日劇必 Hit 元素，但係呢套劇就不被觀眾睇好，事關，觀眾不斷彈武井 sell 開清純，扮外遇對象已經無乜說服力，而瀧澤秀明雖然都係咁靚仔，但要佢做不倫夫又太委屈。 武井咲
前幾日，電視台就喺官方網頁度，上載咗段預告片，臨尾幾秒就預告武井將會有床戲，然而佢拍床戲並非第一次。但作為武井迷，睇到都幾悲哀，哀嘅唔係佢又再蝕底畀其他男星，而係，出晒名飛機場嘅武井，無論向上睇，向下睇，左邊、右邊，件衫幾薄幾透，甚至唔著褸住張被，都無嘢睇。武井唔該你爭氣些少，得閒去豐下胸得唔得？今時今日，淨 Sell 靚樣係唔夠架。
來源：TBS
