雖然昨晚是 Apple 舉行 WWDC 的日子，但當大家發現之前從來都無新機的規格同外殻圖流出，應該都知道今次並沒有新機現身。取而代之還有什麼好講？只剩作業系統。差不多全部作業系統今次都會更新，包括 iOS 10 、 Watch OS 3 、 macOS Sierra ，又是大家自殘愛機，升級系統的時候！
一如所料，終於都推出 iOS 10 （咁出法真係出去 iOS 100 都得），而今次會繼續將 Android 的功能，搬到 iOS 上，首先是只要拿起手機便自動啟動屏幕，同時亦在鎖芒情況下，利用 3D Touch 回覆訊息或查看 Uber 的情況，用落更方便，但私隱性就大大降低。另外，相簿工能都升級，會設有人面識別及物體識別功能，提供更多分類更多更方便搵相。而如外界所料，今次亦有推出 Home app 為智能家居做準備。
而一直都被大陸人嫌棄的其中一個 iPhone 沒有的功能，就是用來擋來電的黑名單功能，今次 iOS 都有預設，不過應該只會變靜咅，但不會幫你收線。而今次適用機種為 iPAd Mini 2 以後推出的機體，iPhone 5 之前的手機，將無法升級，都總算是一件好事。
另外，Messenger方面亦會增加emoji功能，同時亦可以手畫圖畫，相信可以照顧到一眾WhatsApp同LINE用戶。而WatchOS 3就可以在錶面手寫文字回覆訊息，毋須經常拎手機出來回覆。
