GUESS 首款智能手錶 GUESS CONNECT 定價 $3,390

潮流品牌向智能手錶進發，都並非第一日聽，不過數來數去，選擇都好像不太多，不過，最近 GUESS 宣布，會推出首隻智能錶 GUESS CONNECT ，總算多一個選擇。雖然今次 GUESS CONNECT 並非使用 Android Wear 作業系統，但和 Martian Watches 合作，功能都算全面，定價為 $3,390 。

今次 Martian Watches 為 GUESS CONNECT 設計雙模式功能，除了連接電話接收手錶數據之外，亦都可以利用藍牙 LE 講電話，只要對住手錶講出接聽或撥出號碼，即可遘埋電話。其至連發送及回覆電郵、設定行程都做到。最重要是當手機離開手錶連接範圍，就會發出震動話你知，提你記得帶電話。

另外，智能錶的電量都好重要， GUESS CONNECT 只需要充電兩個小時，便可用到 3 至 5 日，並支援 iOS 及 Android 系統。而只要輕觸手錶屏幕，便可顯示最後收到的訊息，亦可設定不同震動模式或提醒功能，方便分類接收的訊息來源。而由即日起到 19 日，GUESS專門店有專人示範腕錶功能，有興趣可以去試玩。