日本娛樂圈有好多潛規則係人都知，往往反映喺選角上，例如男、女主角完全唔襯，又或者配角個顏值、演技仲搶過主角。最新例子，就係新生代女星廣瀕鈴明年上映套新片《 チア☆ダン～女子高生がチアダンスで全米制覇しちゃったホントの話～ 》(是但繹：女子高中生啦啦隊威盡美國)。
套片聽過名就知主要講啦啦隊，當然有不少貼身啦啦隊裝，不過，電影公司就明玩嘢，請咗上緊位嘅山崎紘菜同雜誌Model中條彩未做「隊友」（其他唔使識，睇完相你都唔想識，完），兩個大配角一個Sell青春可愛，另一個賣點就係Model級身高同靚樣，一拍埋去，即刻將廣瀨「無身材、黑面、唔可愛、老人精、又矮、甲組腳、腰又粗」等等等等等缺點完完全全、毫無保留、清清楚楚咁表露無遺，慘在廣瀨喺劇照度，仲要同兩個競敵扮Friend，真係無陰公。
來源：Model Press
