雖然好多人都鐘意 FF ，但今次講的 FF ，唔係大家經常做嘅 FF ，亦都唔係睇愛情動作片先會的 FF ，而係真真正正的 FF 。（喂，你知唔知自己講緊咩啊！）Q 版公仔的《 World of Final Fantasy 》一直都好多人期待，而在今年的 E3 雖然下星期二先開幕，但新一條 Trailer 已經有得睇，雖然無性感身材俾你 FF ，但作為 FF 迷又點可以錯過咁 FF 嘅作品？（你又講緊咩啊？）
好，不停地 FF ,搞到自己都唔知講緊咩 FF ，講返隻game先，其實早前已經講到明，今次會推出繁體中文版，如果打開 RPG 的用家，都一定知呢個消息有幾重要，至少唔使再估日文先。而今次都講埋 PS4 版及 Vita 版，將會在今年 10 月 25 日見街，不過係美國條街，至於香港幾時有？應該都唔會差好遠。而根據製作人千葉廣樹表示，今次遊戲的時數會長達過百小時，不過都唔奇，以前玩 FF ，都要幾十個鐘啦。
而新件除了有大量的 Q 版人物登場之外，亦都會有過往作品的角色出現，而且仲會用返半 Q 版形式登場，又有另一番風味。同時為了提高用家方便性，並不會要求到 save 位才能記錄，而是任何時候都可跳出迷宮而進行記錄。同時全減的話，亦只會回到記錄點，所打的道具及金錢都會保留。最重要一點，廠方講明會推出相關的 Q 版公仔首辦，大家又要破財啦！
