超級噩耗！佐野鄒子神木隆之介情侶裝玩天光

明星人紅自然多緋聞，好似日本 F 級女星佐野鄒子，發力上緊位又點會無緋聞？不過，當緋聞變成現實就唔係咁講法喇。

話說，有傳言話佐野最近經常去神木屋企過夜，於是《週刊文春》就派出狗仔隊去跟下咩料。點知，狗仔一出動，就有斬獲喇。報導話，喺深夜時份，狗仔見到鄒子入神木間屋後，等極又等，喺清晨時份，終於見到兩個當事人著住情侶裝出門口，狗仔緊係狗衝去問二人究竟有乜關係，鄒子笑晒口咁話只係炮……朋友，相反男方就表現閃縮。