雖然去便利店購物，有時都幾貴，但迫於無奈就一定要買。不過，想買得抵，都唔係無計。最近 Tap&Go 就同 7-Eleven 合作，推出購物優惠，只要用 Tap&Go 俾錢，買滿 $40 即可有 $10 回贈，新客戶最多回贈 5 次，而現有用戶最多可回贈 3 次，都慳到幾十蚊，優惠由即日至 6 月 30 日為止。
或者你會問，用 Tap&Go 俾錢煩唔煩？其實俾錢唔算煩，最煩反而係登記，首先你要去香港電訊、 1010 同csl. 門市，出示身份證及你正在使用任何網絡商的手提電話，就有張 Tap&Go 卡。有張卡之後，可以喺手機喥裝 Tap&Go app ，再入返個身份証號碼，張 Tap&Go 卡先用得。而用法其實同八達通一樣，只要間鋪支援 MasterCard 感應式支付就可以一拍俾錢。
聽完之後，新客可能都怕煩唔登記，但如果你同時鍾意去淘寳購物，又多一個優惠俾你，新登記及現有「拍住賞」客戶於即日起至 6 月 20 日，於淘寶用Tap&Go單一消費滿 $200 或以上，並成功完成付款，可獲 $100 的1次性回贈（名額20,000個，以香港身份証號碼計，先到先得，送完即止。）及可享1.5%服務費回贈。
