預咗啦！傳石原里美人肉速遞到山 P 家

日本女星石原里美，向來有「拍檔殺手」之稱，同佢合作親嘅男拍檔都逃唔過佢嘅「魔爪」。原本，石原去年同山下智久（山 P ）拍嗰套《朝五晚九》，期間無傳出緋聞不特只，仲有指話二人當時唔使埋位完全零交流，令到好多觀眾都覺得好驚訝。石原里美

日前套劇勁到令石原榮登『第 19 回日刊スポーツ・ドラマグランプリ』視后，而山 P 就拎咗最佳配角。當地傳媒立即走出嚟贈興，話有記者某日見到石原坐的士，出現喺山 P 屋企附近，之後又搵來無數嘅「消息人士」話，二人近來行得好密，山 P 仲帶石原出席家中派對添。不過消息傳出後，外間反應竟然好冷淡，有人話預咗石原點會咁輕易放過山 P ；而山 P 嘅粉絲就話，男神拍拖總好過山 P 晚晚夜蒲，畀佢班隊友連累無工開。