近年手機興旺，數碼相機自然無啖好食，好多人都用手機去當相機影相，DC自然銷售愈跌愈差。有廠揀將光學變焦有咁勁加到咁勁，亦都有廠加多感光元件尺寸。而 Olympus 就開新路線，出埋 Action Cam ，就是 Olympus STYLUS TG-Tracker ，比起 Sony 、 Canon ，出得好遲，但遲並唔代表差，因為差不多將最新功能都「質」晒落部機，又拍到 4K ，定價 $2,990 ，同級功能中，價錢最抵。
TG 設計延續 u4get copyright u4get copyright u4get copyright u4get copyright
其實第一眼睇到 STYLUS TG-Tracker ，就會發現同 Olympus 的四防相機外型好相似。用得同一種外殻，四防能力都拍得住 TG 的相機，具有 30米防水功能、 100kgf 防震、零下 10 度耐寒，與及 2.1 米防撞，在當年相機中屬相當不錯。不過，而時去到 Action Cam 時代，功能就未必夠用，因為就算 2.1 米防撞，如果真係踩車發出嚟，都好難唔爆殻，而更重要係廠方講到明唔會推出防水殻，即係無咗一個殻嚟撞……
- 今次 Olympus TG-Tracker 推出兩種顏色，分別是黑色及綠色。
- 設有反芒，不過好自然想向上同向下反，不過此機只能反出反入。
30 米防水有用 u4get copyright u4get copyright u4get copyright u4get copyright
雖然防接能力唔太強，但係 30 米防水的吸引力就大好多，因為一般浮潛唔在講，好多國家玩水中漫步都係 10 米左右，而根據香港潛水總會的資料，香港水域大部分都在 10 至 20 米之間，最深亦都只不過 30 米，所以用 Olympus STYLUS TG-Tracker完全無問題。值得一讚係部機設有 LED 燈之餘，落水超過半米就自動啟動水中。
- 全部按鍵都放在機頂，但按鍵略兼太細粒，無戴手套都有啲難㩒。
- 鏡頭上方有 60 流明的 LED 燈，同時亦可長按 info 掣開啟，當成電筒使用。
204 度超廣角
至於 TG-Tracker 另一個賣點，是設有 204 度的超廣角鏡頭，基本上有人企係你旁邊，都有可能入到鏡，不過，由於角度太廣，所以邊位變形都幾嚴重，至於唔想太廣角，其實都可使用潛水模式，可以將視角大約變回 180 度左右，變形問題亦都少好多。
- 除了 on / off ，亦加入 LOG 選擇，只要在拍片要扭到 LOG ，所有環境都會暫停在此時，直接再啟動為止。
- 為免水中變形，設有平面水中保護鏡，都幾貼心。
環境全記錄
而作為 Action Cam ，可能記錄低環境資料，愈多愈好，而 TG-Tracker 支援 GPS 定位、指南針、氣壓計（記錄高度）、溫度計及加速感應器（測重力），差不多所有資料都記低晒。不過，現時並不能在手機睇到影片入面的環境資料，而需要用專用 app 先睇得到，但對於愛行山、潛水、踩車的人來說，都是十分實用的功能。
- 專用手柄亦可以將機反轉裝，方便自拍用。
- 使用 720p 拍片，可以提供 240fps 慢鏡，想要電影感都無問題。
可換電兼尿袋充電
用得 Action Cam ，應該都幾留意電量，因為好多時都要長時間拍片，如果玩一兩個鐘就無電，唔通要拎定幾部機輸住換？都幾無癮。而 TG-Tracker 的電池都算幾好，拍 4K 可以拍到 90 分鐘，而拍 1080p 就拍到 95 分鐘，最重要係可以換電池！而且同 TG-4 一樣，要買代用電都唔難。另外，雖然廠方再三強調唔建議用尿袋，不過實際上測試，都可以用尿袋充電，亦可以邊充邊拍，解決好多電量問題。
- 除了水中較窄角度模式，亦有正常及水中倒轉模式，將 cam 倒轉安裝時，減少後期製作工作。
支援 GoPro 配件
廠方都講到明，今次唔會為 TG-Tracker 推出太多配件，而基本上會推出的配件（包括手柄、水中保護鏡等），都會跟機附送，要駁單車、扣頭盔可以點？其實手柄可以一分為二，而接位則完全支援 GoPro 的配件，即時如果你本身用開 GoPro ，所有配件都用得返，想點玩都無問題。
- 完全支援 GoPro 的配件，想點玩都無問題。
- 可以換電之餘，仲可以用尿袋充電。
總結：定價功能吸引
以不足三千蚊的價錢，買到如此功能，相比其他廠，其實相當抵玩，雖然缺點都唔少，好似按鍵偏細、屏幕易撞爛、缺少防水殻多一層平價防撞層等等，不過如果你玩開的是潛水、行山等撞擊性較低的運動，其實都好夠用。當然，用呢部機，你就唔可以當用 GoPro 咁粗暴！
試相
- 普通角度模式
- 水中角度模式
