商場騷有捧場客 《 Love Song 》藤原櫻笑晒

20 歲日本女星藤原櫻孖男神福山雅治套新劇《 Love Song 》如無奇蹟出現，睇怕都會成為月九劇最差收視嘅神劇。不過，據有睇過嘅日劇迷，套劇又未至於差到貼地，作為新人嘅藤原櫻都有個別人士讚佢算係有交待。

20 號當日，藤原就去咗池袋某個噴水廣場表演，事務所事前已經響晒安，喺網上召集 Fans ，結果又真係畀佢成功 Call 到近 2 千人去撐場，見到咁多人，藤原緊係笑晒，仲即席表演咗三首新歌。老實講，雖則藤原無論身才同個樣，仲有排執，但係佢嘅歌喉都真係有番咁上下，衰就衰咗，事務「內定」畀個女主佢做，同福山談情搞到不倫不類，幫佢變成害佢啫。

來源：modelpress