有睇開《名偵探柯南》呢套動畫，都應該記得柯南有塊電動滑板，鬼咁型去追罪犯，而早在 2012 年，外國已經有人整咗一塊Boosted Board，不過當然無咁型。但最近呢間公司終於都推出 2ND GENERATION BOOSTED BOARD ，今次唔單止快咗、仲型咗好多，真係可以鬼咁型…..去玩（當然無賊俾你追啦，除非你當差。）
其實這塊新的電動滑板，正式名稱為「 2ND GENERATION BOOSTED BOARD 」，主要係由第一代電動滑板的設計上進行優化，而「 2ND GENERATION BOOSTED BOARD 」最高時速可達到 32.1km/h ，而在充滿電的狀態下使用，最多可以行走 9.6km ，大既有幾遠？即係由上環行到去筲箕灣咁上下，其實都已經夠一日代步用。
如果嫌唔夠，仲有一個延長電池，可以行多 9.3 公里，最重要係落斜佢會自動充電，其實玩足一日都無問題。可惜係香港法例唔俾玩，如果唔係，應該好多人入佢多過大陸嗰批樣衰板。不過，要型當然要俾錢，而電動滑板「 2ND GENERATION BOOSTED BOARD 」最基本型號 Single 賣 999 美元（約 $7,792），如果想加大電池就要加多 100 美元（約 $780 ），而另外仲有 Dual （ 1,299 ，約 $10,132 ）及 Dual+ （ 1,499 ，約 $11,692），三個型號主要係速度同電池容量有分別。
來源：Boosted
