滿島光 驚爆離婚戀上 瑛太弟

日本女星滿島光，雖然未達女神級，但演技都叫做有番少少實力，拍親電影都獲好高評價。日前有雜誌爆料，話佢同瑛太個細佬永山絢斗撻着，男方仲要細過佢三年。而且儘管二人工作幾忙，但男方仍經常到滿島光拍攝現場探班，仲不時去女方過夜添。但，其實滿島 2010 年已經同電影導演石井裕結婚，好多人都估女方今次搞不倫戀，實死無生。

結果，報道一出街，滿島嘅事務所迅速就承認二人戀情，仲爆埋話滿島喺年初已經離婚，並且祝福滿島搵到真愛添。嘩！真係宣布離婚、承認有新歡、同居一條龍搞掂，慳番唔少公關 cost 。再講，你低調到咁，唔講都真係唔記得你結過婚。

來源：Yahoo Japan