Samsonite 的行李喼， 好多人都想要， 除咗因為夠貴（ 閒閒哋都二、三千蚊個 ）， 夠硬淨之餘， 拖住夠型都係重要因素之一。 而最近小米都玩埋一份， 走去推出全鎂合金的行李喼， 不過價錢都唔平， 賣 1,999 人仔（約 $2,380 ），唔使問成龍都知點揀。
其實今次小米個行李喼， 之所以會賣咁貴， 都唔係無原因， 首先小米聲稱由德國設計師操刀， 又有個超靜立飛機轆比你拖， 最重要有「智能」功能， 可以駁手機智能開鎖。 體積則有 550 x 375 x 215mm ， 大約 31L 左右。 手柄仲有四個高度俾你㨂。
不過， 拖住小米喼已經無得扮金秀賢咁型， 其次個喼係咪咁硬淨， 真係只得小米入面啲人先知（ 而家眾籌緊 ）， 第三係用智能先解到鎖， 海關驗唔到隨時叫你出嚟， 到時係人都知你用小米喼囉！
來源：小米眾籌
