新劇大爆死又有得賴 土屋太鳳被彈矮又無品味

前幾日先講完，今季日劇收視好多都跌到渣都無淨，咁當然要搵人嚟祭下旗。不過好似套《お迎えデス。》（硬譯：來接你了、內地譯：極樂天使），賴到無得再賴就幾近罕見。

有網媒話套劇收視咁唔掂，全因女主角土屋太鳳身高只得 155cm ，劇中為咗唔暴露佢五短身型，經常着成呎厚嘅高踭鞋，穿短褲仔但又要着長褸遮，搞到鬼唔馬綠，連 Fans 都慘不忍睹咁話喎。

但又唔好唔記得，套劇男主角福士蒼汰，身高成 183cm ，高土鳳兩個頭咁多，橫睇掂睇兩個都唔會襯架啦，土鳳行近啲都突顯佢矮，不如話選角有問題仲好啦。

來源：Asagei Plus