雖然現時 VR 眼鏡愈出愈平，但淘寳幾十蚊人仔有交易，不過，講到拍到 VR 片的機就只得幾部，一係用 360 cam 拍片，有錢就可以買四、五個 GoPro 一次過拍 360 度再合成。而最近外國推出一部全新機 360 Cam Vuze，外形正方形機身每邊有兩個（總共 8 個）鏡頭，仲可以拍到 4K 片，功能可以稱得上半專業級。
由於 Vuze 每邊都可以拍到水平 120 度及垂直 180 度的影像，所以 360 度差不多完全無死角，而最高支援 30fps 4K 影片，同時亦可利用 Android 或 iOS 的 app 遙控拍片，而最大賣點是係睇 VR 效果，都唔算太慢，用電腦拍幾耐就用幾多時間後製，都算幾好。價錢方面為 799 美元（約 $6,233 ），雖然唔算好平，但相比買幾部 GoPro ，其實都算抵玩。
來源：The Verge
