智能手錶必備「 魔戒 」 手臂變身觸控平台

用過 smart watch ，大概都會覺得錶面太細，按錯掣的機會極多；而亦因錶面太細，嚴重限制了手錶用途，例如無法覆msg、打機，始終都要拎出智能手機先得。但如果觸控位置可以由錶面移至整條手臂，而又只須戴一隻「 魔戒 」，你又點睇？

由外國公司SkinTrack研發的裝置，由一隻手錶加一隻 魔戒 組合而成，原理是 魔戒 會釋出高頻電子訊號，只要手錶內的接收器接收到訊號，就可以知道 魔戒 的距離，從而判斷手指的位置，以及有否點按「屏幕」，另外亦可以透過畫英文字母作為shortcut key，以後用來覆msg，甚至玩《Angry Birds》拉橡筋都得，將智能手錶的用途無限擴充，認真令人期待。