芦田愛菜新劇唔收得 事務所賴地硬

今季日劇播到一半，收視已經呈穩定發展（即係衰嘅都幾難有起色），有趣嘅係，好多事前被喻為好收得嘅劇，都陷入收視「大爆死」嘅地步，好似男神福山雅治套《 Love Song 》同黑木華套《重版出來！》都難逃個位數嘅成績，就算有土屋太鳳同福士蒼汰嘅《極樂天使》，都跌到無眼睇。 芦田愛菜

眾劇當中，最差嘅原來係芦田愛菜套《 Our House 》，開播以來，收視連 5%都過唔到，第四集已經跌到 3.8% 墊屍底嘅「谷底」。但最估唔到嘅係，芦田嘅事務所日前竟然率先發難，指編劇嘅野島伸司已經 Out 晒，寫個垃圾劇本先獲得呢個「佳績」。嘩！呢個世界真係好多人都輸打贏要，要怪唔該怪咗你個藝人， 11 歲個樣搞到似 21 歲先啦。

來源：Asagei Plus