不經不覺 Windows 10 都發表了一年，由於免費升級，應都都吸引不少人改用，不過，免費午餐總不會任你食，食到個個都食，就係時候要賺錢，最近 Microsoft 終於都宣布 Windows 10 免費升級將在今年 7 月 29 日結束，之後要用，就隨時要俾錢先用得。
相信好多人都諗，究竟升級定唔升級好，會揀得唔升級，應該部機仲行緊 Windows 7 居多，因為始終最怕係用唔慣部機個系統，設定隨時要由頭學過，其實都幾煩。不過，Windows 7 始終都推出 7 年，更高都無得更新，病毒又一堆，如果用新機，仲要搵驅動程式，除非你以後都唔再想用 PC ，要用就算幾唔想換，過多一段時間都無得你唔換，所以盡早適應 Windows 10 都未嚐一件好事。如果唔想用自己部機「較飛」，不妨去淘寳買部雙系統平板玩下，覺得好用先轉都得，反正仲有幾個月，仲有時間俾你試。
