日本同香港一樣， 都面對家居面積細的問題， 想慳位， 連放套似樣 Hi-Fi 都未必得， 駁住部 iPhone 聽歌， 有聲當贏。 而最近日本 Sony 推出新產品， 鐘意聽歌都可以考慮， 就是Sony LSPX-103E26 燈泡喇叭， 慳位聽歌又一新選擇。
其實將喇叭同燈泡二合為一， 都並非第一次， 不過今次都幾落心機， 設計上在燈泡中央部份加入喇叭組件， 同時外圍加上達到 500lm 的LED 燈， 利用藍牙即可連接不同裝置聽歌。 利用專用的遙控可以控制大細聲之餘， 更可調校 192 種顏色。 但更重要是可兩個燈泡輸出立體聲， 玩法多元化好多。 預計在 5 月 21 日在日本發售， 定價 22,380 日圓（約 $1,602 ），好貴？ 你頭先無睇邊間廠生產咩？
來源：Sony JP
