日本天團 SMAP 自年初解散唔成後，一直是非不絕。有指五子講數期間，木村拓哉老婆工藤静香曾經發功，力勸老公留低之餘，兼向事務所所長喜多川爺爺求情，終於令到木村成為隱形隊長。
今日有消息指，嚟緊 13 號工藤静香仲會上電視音樂節目，應該會獻唱首本名曲《抱いてくれたらいいのに》，消息傳出後，令到整個日本媒體轟動過地震，事關呢次係工藤自 02 年引退後，首次上電視節目。有人估係木村有得留低嘅附帶條件，迫工藤要出嚟撈下人氣。但更多人估係「幕後功臣」工藤静香，之前就話驚搶晒老公風頭，但而家無論喺屋內、屋外都已手握大權，一時技癢出嚟玩下啫。
來源：日刊サイゾー
