Model 升呢變女神 伊東美咲 女神再臨

日本女星伊東美咲， 05 年憑《電車男》嘅愛馬士，成功由 Model 升呢變女神，不過， 09 年就閃電嫁人， 10 年生完 B 仲休養咗四年先復出，不過舊年又走咗去生仔，之後連影到無埋。

不過， 4 月 30 日嘅女神去睇完《優獸大都會》後，就喺 N 年無 Update 嘅 Blog 度 Po 咗張新相，個個電車男睇完都高呼「真.女神重臨」、「愛馬士不死」，話估唔到 38 歲嘅伊東，同 05 年完全無變。

有口痕友仲話，今時今日伊東嘅顏值，同 22 歲嘅新星新川優愛好相似，唔知嘅可以互相當大家嘅替身。但問題就係，新川有無伊東咁好新材先？

來源：伊東美咲 Blog、おたぽる