曲芒，相信大家都唔會覺得有幾特別，因為一早 Samsung 同 LG ，已經有不少曲芒的產品，好似手機、智能錶等等，全部都有，不過老實講，全部都是啅頭多過實際作用。但最近加拿大的 Queen’s University ，開發一種名為 holoflex 的新智能手機，最特別之處是同時具有裸眼 3D 功能（即毋須戴眼鏡睇 3D ）同可屈曲屏幕，機會嚟啦！Samsung！
其實裸眼 3D 功能都已經有好幾年， 不過當年只得少量機體使用， 印象最深都算是 Fujifilm REAL 3D W3 ，不過由於裸眼 3D 屏幕質素追不上手機的像素比賽， 最終愈來愈少機用。 不過， 今次加埋可屈曲屏幕…… 講得清楚少少是可屈曲手機先正確， 就變得有用好多， 因為除了可玩 3D 遊戲之外，亦可因應手機的屈曲，令畫面出現相應的動作，日後玩怪物彈珠或者 Angry bird ， 屈一屈部手機就彈出去，好玩好多。
