近年上網競爭都好劇烈，以前單是免幾個月月費，已經皇恩浩蕩，而家無禮物送，都好難引客。好似最近 3HK 便和 Google 合作，推出上網月費送 Chromecast ，雖然只不過是價值 $349，不過可以直接將 Android 上的畫面投射到電視上，方便過放多個盒子在家，都算唔錯。
講到 Chromecast ，其實用法都好簡單，只有一個 HDMI 插頭，直接入電視就用得，相當慳位。而由於好多人都習慣用手機睇片，想轉去電視睇，用盒子又要搵一輪，反而無咁方便。但手機直接投射上電視，中途去洗手間都可以轉返做手機繼續睇，又毋需再另外駁線設定，方便好多。
