有睇開漫畫，都一定記得奧浩哉本《 GANTZ 》，之前都拍成電影，雖然女主角的「凸」別身材大家都唔多收貨，但總叫做睇到原作血腥畫面。而最近《 GANTZ 》宣布會動畫化，而最新宣傳片都有得睇，新片名為《 GANTZ：O 》，故事以「大阪篇為基礎， 10 月 14 日就會在日本上映。
在今次宣傳片中，睇到全部都以 3D 重新畫製，而且會有華麗的機器登場，細緻度都幾高，相信會比之前套電影，好睇 N 倍。而今次負責的監督，係負責《 TIGER＆BUNNY 》、《 聖闘士星矢 Legend of Sanctuary 》的川村泰，劇本則由負責過《 ONE PIECE FILM FOLD 》及《 LIAR GAME 》的黑岩勉製作。
