無人機雖然近期好 hit ，但好似對於一般人來說，作用未算好大，加上操作都需要一定時間練習，未算好親民。不過，有商機自然可以解決所有問題，最近國內零零無限科技便推出一部名為 Hover Camera 的無人機，同一般的山寨級無人機不同，外型吸引之餘，更可自動追蹤拍片影相，完全無需人手操作。
同一般的無人機不同，這部以摺合式設計，可以將兩邊機翼拆好收埋拎出街，只要在手機 app 內進行設定，可控制範圍為 50 米。採用摺合式設計的最大好處，在於毋需組裝就用得，同時亦可以拋上空中起飛。而機底設有聲納功能，可以進行目標定位，就算有風吸時，都不會墜機。
不過，部機最吸引的是自動追蹤功能，內置人面及人體識別功能，只要你行到邊就跟到邊，毋需自己拎機，已經影到 1300 萬像素相片及拍攝 4K 。加上機身設計安全，不怕機翼撞到人，去旅行想一路行街，一路影自拍相，Hover Camera 一定啱用。雖然現時仍在開發階段，不過單睇條片，都期待值爆燈。
來源：Hover Camera
