食住個潮流瀧本美織有望翻 Hit

日本最近興起一股靠唱功翻 Hit 潮，好似之前講過嘅高畑充希，因為一首廣告歌輕露下唱功就成功升呢，主演嘅新劇《とと姉ちゃん》（硬繹：當家姐姐）更收視高開。瀧本美織

可能見呢招成功，近期無乜聲氣嘅女瀧本美織就有樣學樣，即刻與所屬樂團 LAGOON 出新碟，日前公布咗新大碟嘅封面，留咗個長髮嘅瀧本，更被網民大讚靚女咗唔少。

再加上，瀧本唱功絕對唔使擔心，全因佢喺成名作日劇版《原來是美男》度，已經展現過歌喉，雖則無劇中形容成「天使之音」，但都算唔惹少，個高音絕對令你毛管戙。只不過當初被爆與同劇嘅藤谷太輔拍拖，先人氣跌 Watt 。之後喺新版《 GTO 》入面，又被成班「學生」搶晒鏡，兼劇本無得發揮先至幾乎完全消失，希望佢今次能夠憑呢張大碟翻 Hit 啦。其實論樣貌同新材，瀧本都唔算差。