佐野鄒子 出席開球禮 宅男大叫：還我 Nice Ball

明星最忌就係講錯說話、著錯衫，是但衰一瓣輕則人氣下跌，重則跌入深淵永世不得超生。日本 F Cup 女星佐野鄒子，上次自 Po 封胸照，意外地獲得粉絲激讚佢可愛。可能見呢招成功， 23 號鄒子出席『＜PARCO カード＞スペシャル DAY』開球禮時，就著咗套 Oversized 球衣＋短裙，好明顯係想騷下長腿。

但班宅男入得場「睇波」，緊係唔收貨，紛紛大叫「還我 Nice Ball 」，仲彈佢件衫毫無亮點，希望偶像審視下佢嘅著衫品味添。

至於佐野喺球場表現成點？相信無乜「球迷」會留意囉。都係睇返佢啲「正常」相平衡吓心理好過。

來源：Tech insight