雖然由上年年尾開始， Microsoft 已不停力谷 Windows 10 Mobile 的能力 ，但講到底， 始終好多用家對這個系統有戒心， 好難吸引人轉會。 而亦都因為吸引力低， 廠方積存舊機壓力都幾大， 最近有外國網站指出， 由於今年第一季度積壓的存貨過多， 會推出買一送一優惠 。
其實根據數字顯示， 上一季 Lumia 手機的出貨量， 大約只有 230 萬部， 而第二季的訂單， 可能會進一步減少， 而為了清理存貨， 不得不「 大劈價 」， 將手機快速清理。 而美國方面， 明天便會開始， 買 Lumia 950 XL ， 免費送多部 Lumia 950 ， 務求盡快清倉， 至於香港方面暫時未有消息， 不過以香港的銷情來看， 跟風機會頗大。
來源：MSPoweruser
