22 歲 志田未來 撈極都係高中生

唔講唔知，日劇《女王的教室》嘅志田未來，原來已經 22 歲，但係唔知係咪佢個樣、身高同埋身材仲停留咗喺小學生程度，近年演親嘅日劇都係死靚妹角色。嚟緊佢有套電影《青空エール》（硬譯：青空吶喊）上演， 22 歲人仲飾演高中生，同主角土屋太鳳參加學校嘅管弦樂團。

日前，電影公司公開咗志田嘅造型照，佢著起套高中生制服完全無遣和感，志田本人就自嘲話，自己好似好適合著制服，仲話其實好想演好多同自己年紀相同嘅角色。句句有骨。

不過，電影公司就表示，選用志田嘅原因，係因佢有「壓倒性嘅存在感」，同埋好有前輩嘅感覺。緊係啦，7 歲出道嘅志田大大話都撈咗十幾年喇。

來源：Oricon Style