日本熊本縣發生巨災，好多藝人近日都紛紛用自己方式去為災民送暖，不過，生活依然要繼續，好似《火星異種》班演員伊藤英明、篠田麻里子、 山下智久 、加藤雅也等等就喺 18 號晚，上咗問答綜藝節目《ネプリーグSP》度玩遊戲，順道宣傳新片。
不過遊戲未開始，主持人見到山下智久一面頹樣就問佢搞乜，山下就自爆為咗上呢個節目，前一晚瞓得 3 個鐘不斷咁練寫漢字，準備贏獎金。嘩！咁大口氣，主持人緊係出盡難題考佢，但又點會難到明治大學畢業嘅山下，成功被佢羸咗成一百萬日元，山下隨即宣布話將所有獎金損晒出嚟振災！搞到個個粉絲超感動到眼濕濕。
花咗七萬幾蚊港紙已經贏盡全世界掌聲，呢鋪真係演繹咗咩叫完美關公。
來源：Modelpress
