《 Love Song 》收視跌破低 福山雅治仆直仲有人撐

有時粉絲嘅嘢，都愛得幾盲目，盲目到比起一班高官狗衝護主，唔理國際通例仲要厲害。好似日本男星福山雅治咁，佢套新劇《 Love Song 》開播咗兩集，收視已經去到新低點，得返9.1%呢個個位數字，竟然都仲有傳媒話，無有怕，事關個收視係未計網上轉播同賣DVD等等等等收益，甚至講到網上有人仲大讚套劇可觀性甚高，連疑似欽點嘅女主角藤原櫻都讚佢，話喺劇中角色口吃得來講對白好流利，真係完全離晒罩，若果咁掂，就唔使做收視包尾大番啦。

來源：NEWSポストセブン