舊年日本爆咗套《海街女孩日記》，搞到片中四名女主角輪住上頒獎禮，但其實仲有唔少日本女星喺舊年都成功彈起，好似係喺木村套《 Hero 2 》演馬場檢察官嘅吉田羊，舊年都搶咗兩個最佳女配角，仲分別拍咗七套劇、七套電影同演咗套舞台劇，只係佢平日絕少緋聞先無乜人講啫。
吉田羊可能見太過低調，吉田係時候搞啲嘢谷下人氣，噚日新一期《 周刊 Post 》拍到她搭上 Johnny 事務所組合 Hey!Say!Jump 嘅 22 歲成員中島裕翔。報道話，兩人被影到喺吉田屋企前後腳出發去撐枱腳，之後中島仲一連七日都喺吉田家過夜添。又係七？咁橋啫。
而報道出街後，吉田嘅事務所就無回應，算係嚟個默應，但 Johnny 事務所就話，兩人係前輩同後輩關係，中島上人哋屋企只係討論工作上問題，下？兩個人從未、相信嚟緊亦唔會合作啵，搵鬼信咩？
中島裕翔來源：News Sport seven
