逆市奇皅 37 歲白石美帆 Po 索腳照超讚

日本藝能界近日興起一輪「女神劣化潮」，各大媒體紛紛盤點近日走晒樣嘅女藝人，其中被人踩得最勁嘅，就係 model 出身嘅香里奈，話佢自從因為艷照事件後，不堪外間壓力，搞到個樣殘爆。

但凡事總有例外，現年 37 歲嘅白石美帆，早前為咗宣傳新片《エンタの神様》，喺自家 Blog 度 Po 相宣傳，相中佢着咗件鮮紅色 One Piece 長裙，點知該相一出，班宅男就睇到慶烚烚，話佢同 05 年拍《電車男》時一樣咁索，話睇完張相唔知咩叫「女神劣化」。其實，白石一直都係日本「足球之寶」，除咗唔少職業足球隊搵佢擔任足球大使外，佢仲幫唔少動漫配音同家用遊戲做宣傳，咁識走電車男路線，抵你成為逆市奇皅。