高畑充希新劇高開

前排先講完，日本女星高畑充希拍廣告時展現咗佢勁爆嘅唱歌，令到佢突然升呢，日前又傳嚟好消息，由佢主演嘅新劇《とと姉ちゃん》， 4 月 4 日首播日就得到極高收視，喺關東地區就錄得 22.6％ 、而關西地區就有 20.3％ ，秒殺咗同時段嘅劇集。

喺套片度，高畑並沒有唱歌，反而做番一名高中生，個種少女味真係「咇」晒出嚟，真係好睇過佢喺剛剛播完嘅《當想起這段戀情一定會流淚》，強行扮演 OL 咁唔夾。而主題曲就由即將復出嘅宇多田光唱番，咁有話題性，贏收視好似都幾順理成章。

來源：CinemaCafe