佐野鄒子下站目標：《遊戲王》

日本女星佐野鄒子憑第二代《死神筆記》 MisaMisa 成功響朵，之後仲接咗不少有關 ACG 工作，亦因佢毫不吝嗇副 F Cup 身材，冧到班宅男暈得一陣陣。

日前佢就出席咗專為漫畫、輕小說而設嘅「 SUGOI JAPAN Award 2016 」，仲擔任壓軸嘉賓。佐野出場時就即刻話好鍾意睇得獎嘅《 One Punch Man 》同《四月是你的謊言》（四月は君の嘘），原本以為佐野都係求奇吹兩嘴，點知佢真係連劇情、套漫畫特點、畫風走咩風格都講得出，呢啲未係專業囉！

之後，佐野仲話好想拍《遊☆戯☆王》嘅真人版。嘩！《遊☆戯☆王》無論女主角定係班召喚出嚟怪獸，個個身材幾乎不成比例，連小學生都係巨乳級，真係開正佐野嗰瓣。

來源：リアルライブ