日本有不少漫畫的題材都是描寫忍者後裔的高校生活， 見到主角個個武勁高強又識到靚女， 令到不少日本青少年都夢想成為忍者， 而且日本各地都有不少忍者學校， 讓遊客可以一嘗變身忍者的滋味。 而在忍者之鄉愛知縣， 最近縣政府就公開招募忍者職位， 毋須經驗提供培訓， 豈不是 dream job 一份 ？ 不過原來月入只得萬二元港幣， 似乎做忍者都幾窮。
今次愛知縣公開招募六個忍者名額， 旨在推廣縣的旅遊業， 如果順利通過面試得到份職位， 就可以得到一年合約， 而頭一個月會先接受忍者速成訓練， 之後就可以接受縣政府的任務， 用忍者身份協助推廣旅遊業， 仲會在傳說中的忍者服部半藏帶領下工作 。 不過， 忍者的月薪只得 180,000 日圓， 大約只得萬二蚊港幣， 在日本似乎不太夠用， 相信應徵者應該都要是忍者迷， 至會去應徵做喇 。
