[遊日情報] 薯片味可樂 究極品味 想飲要去Namco博彩數

Namco 的瘋狂味道推廣活動又來喇， 上年 12 月先推出完可樂味薯片， 誰不知今次仲激， 竟然是薯片味可樂 ！ 究竟味道如何？ 薯片味飲品仲要有氣， 的確好詭異。 如果近來會去日本， 一定要試試去 Namco 遊戲中心夾一支出來， 包保可以狂呃 Like 。

今次這支薯片味的可樂， 是由專整奇怪味道飲品的木村飲料負責。 之前木村飲料已試過整饅魚汽水， 所以薯片味的可樂 應該難不到這間公司。 如果想得到這支汽水， 由今日起就可以去到日本的 Namco 遊戲中心， 因為你必須玩遊戲先拎到這支薯片味的可樂， 有錢之餘都要講實力同運氣， 提提大家， 又是數量限定的景品， 想試要快手。