買大陸機其中一個問題，相信是二手價超低，甚至無人收，保值能力可以話等同零。其中一個重災品牌，便是 Meizu ，好像上一代的旗艦機款 MX4 Pro ，網上二手價有 $1,200 ，但拎去先達放，幾百蚊都唔知有無。 而最近 Meizu 便在國內推出舊換新服務，只要拎部 MX4 Pro 去，即可以 1,999 人民幣（約 $2,399 ）換 64GB 版 PRO 5 ，都算有良心。
如果以現時 64GB 版 PRO 5 的定價 3,099 人民幣（約 $3,719 ）計算， MX4 Pro 最多可當成 1,100 人民幣（約 $1,320 ）使用，點都比香港的二手價好，而且買機仲有一年意外保，價錢 199 人民幣（約 $239 ），其算幾抵。 由官方網站指出，要達到換機要求，必須達到以下要求：能正常開機及功能正常、外觀無嚴重破損及所有賬號登出，不過暫時未知香港行貨會否跟隨。
來源：Meizu
