「迷戀」戶田惠理香做壞女人？ 「人妹」北乃綺揀錯偶像

日本女星北乃綺（北乃きい），喺 N 年前同志田未來合拍咗套《 14 歲媽媽》後，原本被外界喻為矚目新星，可惜由於年齡所限，之後幾套劇都係做人哋「阿妹」，即刻無晒聲氣。

好耐無見嘅北乃日前就出席咗網上節目《 AmebaFRESH! 》，宣傳佢最新大碟《 K 》，佢話最近除咗錄碟之餘，仲學咗好多外語，其中最愛就係中文，因為講起中文上嚟好可愛，佢話之前去咗台灣研修咗一個月，已經勁到可以同台灣人溝通。

不過，最令人估唔到，北乃就話嚟緊好想演「壞女人」嘅角色，仲會以戶田惠梨香做目標，「迷戀」到大讚對方好靚，係一個好有可塑性嘅演員。嗯，其實戶田近年極力擺脫花瓶同厭食嘅形象，真係俾佢聽到真係唔知好嬲定好笑喇。

來源：Narinari.com