當大家正在等待Marvel同DC Comics的超級英雄電影上畫，其實日本亦有超級英雄漫畫冒起，而這班超級英雄，更是女士最鍾意的 Hello Kitty & Friends。在漫畫內， Hello Kitty 會化身為士多啤利超人，仲會聯同黑提人及甜心蜜桃，一齊保衛地球。
Sanrio這個超級英雄漫畫，最早要追溯到2011年自家設計師山口裕子在Hello Kity Art Exhibition發表的士多啤利Hello Kitty，只要舉高smartphone，憑著大家的打氣聲，就可變身成超人對抗壞人。一年後亦相繼發表黑提人同埋甜心蜜桃。不過，之前的只是試驗性質，現在Sanrio先宣布會為士多啤梨 Hello Kitty推出網上漫畫，並且會於每月的15日更新，頭炮已經推出， 士多啤梨 Hello Kitty 仲會控制巨型機械人出場同壞人對抗，最終竟然用蝴蝶結擊退壞人。怕看不明日文而無法了解劇情？毋須擔心，因為根本無字，而且劇情亦近乎零，睇圖就得。
