甩稿王又再連載網民睇死《 HUNTER×HUNTER 》又係一期完

日本著名「甩稿王」漫畫家冨樫義博套《 HUNTER×HUNTER 》自從 14 年 8 月出完第 32 期後，一直甩稿到 2016 ，日前集英社公布，富樫又再「得閒」，喺今個月 15 號「又再」連載。

消息一出，漫畫迷緊係拍掌叫好，但幾咁 Dead Heart 粉絲都忍唔住要鬧幾句，有人就話沉迷玩FF嘅富樫可能趁 FF14 未出新資料片、 FF15 又未出，一時技癢咇啲時間出嚟玩兩手。又有人話，佢啲錢又使得七七八八，今次「復出」全因要畫下啲新角色，等旗下 Figure 、手遊、家用 game 有更新賺錢，話雖如此，作為粉絲真心希望唔好玩一期就玩完啦，最緊要唔好似《幽遊白書》咁爛尾呀！