一年之中，變會有幾日同朋友一齊去海洋公園或者迪士尼公園玩，雖然對於海洋館、熊貓館等等興趣不大，但身邊班女性朋友話想入去睇，難道你有得 say NO？既然如此，倒不如認下威好過。最近海洋公園全場九成地方都設有 Wi-Fi ，而且仲有個升級版的 app 有語音同文字介紹，仲唔幻想吓身邊啲女伴佩服的目光？
今次升級版海洋公園 app ，主要有幾個新功能，其中設有實時導覽，可以利用語音導覧及文字介紹館內的不同知識，即時可以扮學識淵博。其次同迪士尼公園一樣，加入預約通行證功能，包括摩天巨輸、海洋奇觀等，毋需等到頭都暈。而七月仲會有特快證，試玩價 $150 就可以特快玩到海洋奇觀、瘋狂過山車等設施，想一日玩到場內所有遊戲都並非難事。而在 3 月 19 日至 4 月 17 日，只要即時下載升級版流動 app ，入場買票時俾對方睇，門票仲有 85 折，又可以慳到幾十蚊。
