手遊太多，但手就得一對，下載埋一大堆遊戲玩兩玩就算，阻住手機容量。可能 Google 都發現這個問題，今日終於在 Google Search 加上新功能，充許用家在安裝 app 之前，可以有 10 分鐘試玩，之後才決定是否要下載這個 app ，而今次這個功能叫 Search Triai Run Ads ，可惜是香港仲未有，暫時只得美國部分人士試用。
聽落好似好簡單，但其實要令用戶又有得試用，又不需要安裝，是需要一定程度的改動。根據 Google 方面表示，最大改動會加入一個叫 Try Now 的按鍵，用家便可即時試玩，玩到全心水先下載。而根據 Google 官方指出，上年的總下載數之中，大約有 41% 是下載遊戲，但同時根據市場調查指，有大約四分之一的 app ，其實安裝之後從來都未用過，而這個按鍵相信可以改善這種情況。
